WAKATAZWA KUTUMIA MITANDAO YA KIJAMII NDIVYO SIVYO

 

WATOTO wengi wametajwa kutumia mitandao ya kijamii, kuangalia mambo ambayo ni kinyume na maadili, jambo ambalo wameaswa kuitumia kujifunza mambo yenye manufaa kwao.Katibu Mkuu wa Wizara ya Afya, Maendeleo ya Jamii, Jinsia, Wazee na Watoto, Sihaba Nkinga alisema hayo wakati akifungua mkutano wa tatu wa kamati kuu ya Baraza la Watoto Tanzania.

Aidha Nkinga aliwataka watoto kuhakikisha wanatimiza wajibu wao na kuacha kulalamikia haki bila kutimiza wajibu.

Alisema ushiriki wa watoto ni moja ya haki tano za msingi kwa watoto wote, bila kujali tofauti zao na serikali inalipa suala la ushiriki wa watoto umuhimu wa kipekee katika mipango ya maendeleo.

Kwa upande wake, Kaimu Mkurugenzi wa Maendeleo ya watoto kutoka Wizara hiyo, Magret Mussai alisema, mkutano huo wa Baraza la Watoto ni muhimu na utawasaidia watoto kuangalia mambo yao ikiwemo kuangalia mikakati wa taifa ya ushirikishwaji wa watoto katika mambo mbalimbali.

Friday, April 29, 2016